Jinsi ya Kuhama Mfumo wa WiFi Billing Bila Kupoteza Wateja

Mfumo unaotumia sasa hauridhishi, lakini unaogopa kuhama kwa sababu wateja wako wanaendelea kulipa kila siku. Hofu hiyo ina msingi. Kuhama vibaya kunazima biashara kwa saa kadhaa. Makala hii inaeleza jinsi ya kuhama kwa mpangilio, hatua kwa hatua.

Dalili Kwamba Ni Wakati wa Kuhama

• Wateja wanalipa lakini hawaunganishwi, na hakuna anayekueleza kwa nini.
• Ripoti haikuoneshi malipo yaliyoshindikana wala sababu zake.
• Ukiomba msaada unasubiri siku kadhaa.
• Gharama ya mfumo inapanda kuliko mauzo yako.
• Unataka kutumia Access Point peke yake, lakini mfumo wako unakulazimisha kuwa na MikroTik.

Unachobaki Nacho, na Kinachobadilika

Mteja wako haoni tofauti kubwa. Anaunganisha WiFi ile ile, anaona ukurasa mpya wa malipo, analipa kama kawaida.

Hatua 6 za Kuhama kwa Usalama

• 1
  Jisajili na upange vifurushi kwanza.
  Fanya hivi kabla ya kugusa router. Andika vifurushi vile vile na bei zile zile ambazo wateja wamezizoea.
• 2
  Unganisha njia ya kupokea malipo.
  Hakikisha malipo ya simu yako tayari kabla ya siku ya kuhama, ili siku hiyo ibaki kazi ya router tu.
• 3
  Tuambie unatumia mfumo gani na vifaa gani.
  Mfumo wa zamani mara nyingi huacha mipangilio yake ndani ya router: ukurasa wake wa kuingia, sheria za kuelekeza wateja, au seva yake. Tukijua mapema, tunaandaa kila kitu kabla.
• 4
  Hifadhi nakala ya router.
  Kabla ya mabadiliko yoyote, hifadhi nakala (backup) ya mipangilio ya router. Kitu kikienda vibaya, unarudi ulipokuwa ndani ya dakika chache.
• 5
  Hama wakati wateja ni wachache.
  Usiku sana au asubuhi mapema. Usihame saa za jioni wakati watu wengi wako mtandaoni.
• 6
  Jaribu kwa simu moja kabla ya kutangaza.
  Nunua kifurushi cha bei ndogo kwa simu yako, na ujaribu vocha moja. Vyote vikifanya kazi, umemaliza.

Vocha za Zamani Nifanyeje?

Vocha ulizochapisha kwenye mfumo wa zamani hazitafanya kazi kwenye mfumo mpya. Una njia mbili:

• Maliza kwanza. Acha kuchapisha vocha mpya siku chache kabla, uza zilizobaki, kisha hama.
• Badilisha. Kama zimebaki chache mikononi mwa wauzaji, zikusanye na uwape vocha mpya za thamani ile ile.

Mteja mwenye kifurushi kirefu kinachoendelea, kwa mfano cha mwezi, mpe vocha mpya ya muda uliobaki ili asipoteze alicholipia.

Tunachokufanyia Unapohamia UpesiLipa

• Kuhama ni bure. Hatutozi ada ya usanidi wala ya kuhamisha.
• Tunakagua kabla. Tunaangalia router yako ina nini kutoka mfumo wa zamani kabla ya kubadilisha chochote.
• Hatukuachi katikati. Tuko nawe WhatsApp hadi mauzo ya kwanza yapite.
• Ukweli kwanza. Kama kifaa chako hakifai, tunakuambia kabla hujahama.

Maswali Yanayoulizwa Mara kwa Mara

Je, nitahitaji kununua router mpya ili kuhama?

Mara nyingi hapana. Router na Access Point ulizonazo zinaendelea kutumika. Kinachobadilika ni mfumo unaosimamia malipo.

Biashara itazimwa kwa muda gani wakati wa kuhama?

Maandalizi yakifanyika mapema, kuhama kwenyewe ni kazi fupi inayofanyika wakati wateja ni wachache. Lengo ni wateja wasione usumbufu.

Vocha zangu za zamani zitafanya kazi?

Hapana. Vocha za mfumo wa zamani hazifanyi kazi kwenye mfumo mpya. Maliza kuziuza kabla ya kuhama, au zibadilishe kwa vocha mpya.

Nikishindwa, naweza kurudi kwenye mfumo wa zamani?

Ndiyo, kama umehifadhi nakala ya mipangilio ya router kabla ya kuanza. Ndiyo maana hatua hiyo ni ya lazima.

Kuhamia UpesiLipa kunagharimu kiasi gani?

Kuhama ni bure, na usanidi ni bure. Kujisajili pia ni bure.

Soma Pia

• Kwa nini UpesiLipa ni WiFi billing system nzuri kwa Tanzania
• Mfumo bora wa kulipia WiFi Tanzania: vigezo vya kulinganisha
• WiFi billing system Tanzania: jinsi ya kuanza
• Jinsi ya kutengeneza na kuuza vocha za WiFi

Switching WiFi billing systems in Tanzania? You keep your router, access points and WiFi name. UpesiLipa migration and setup are free, prepared in advance and done in a quiet hour so customers are not cut off.