Mfumo wa kuuza WiFi unatakiwa kufanya jambo moja vizuri: mteja alipe na aunganishwe mwenyewe, na wewe ujue kilichotokea. Haya ni mambo kumi na mawili tuliyoyajenga kwa ajili ya mwenye biashara ya WiFi wa Tanzania, yakitokana na matatizo halisi ya waendeshaji.
Mteja anaunganisha WiFi yako na ukurasa wa malipo unajifungua. Analipa kwa M-Pesa, Mixx by Yas (Tigo Pesa), Airtel Money au HaloPesa, au anaingiza kodi ya vocha. Anaunganishwa mwenyewe, na muda wake ukiisha anakatwa mwenyewe.
Wewe unabaki na kazi mbili tu: kupanga vifurushi na bei zako, na kusoma ripoti.
Una Access Point za TP-Link Omada tu? Zinatosha. Hatukulazimishi kununua MikroTik wala kuweka kompyuta ya kusimamia Access Point. Unaandika taarifa za kifaa kwenye dashibodi, na tunakiunganisha.
Kama una MikroTik, unapewa amri moja ya kunakili na kubandika. Router inaanza kuwasiliana na mfumo yenyewe. Ukiibandika tena kwa bahati mbaya, haiharibu kilichokwisha fanya kazi.
Kifurushi cha saa 24 kinaisha baada ya saa 24, mteja awe ametumia au hajatumia. Wateja wanalielewa mara moja kwa sababu ndivyo vifurushi vya mitandao ya simu vinavyofanya kazi.
Mteja mwenye salio analipa mwenyewe kwa simu. Asiye na salio ananunua vocha kwa pesa taslimu. Vocha zina mitindo sita ya kuchapisha, na mteja haandiki namba ya simu wala jina ili kuitumia.
Mteja akilipa kisha dirisha la malipo likajifunga kabla hajaunganishwa, akifungua WiFi tena simu ile ile inaingizwa. Hakuna kukuita wewe wala kulipa mara ya pili.
Unaona mauzo ya leo, wiki na mwezi, yakiwa yametenganishwa kati ya malipo ya simu na vocha. Malipo yaliyoshindikana yanaonekana pamoja na sababu yake, na unaweza kupakua taarifa ya fedha ya PDF kwa tarehe unazochagua.
Dashibodi inakuonesha kama router au Access Point iko hewani, wateja wangapi wako mtandaoni, na data iliyotumika. Kifaa kikianza kuelemewa unaliona kabla wateja hawajaanza kulalamika.
Una maeneo mawili au zaidi? Mteja aliyenunua tawi moja anaweza kutumia kodi ile ile tawi lingine. Unaongeza eneo jipya bila kuanza upya.
Unampa mfanyakazi akaunti yake yenye ruhusa unazochagua, ikiwemo kama aone kiasi cha pesa au la. Unajua nani ametengeneza vocha zipi.
Unaweka kifurushi cha bei 0 ili mteja mpya ajaribu WiFi yako dakika chache. Simu moja haiwezi kukirudia tena na tena.
Dashibodi iko kwa Kiswahili na inafunguka vizuri kwenye simu. Unaweza kuiweka kwenye skrini ya simu kama app na kufuatilia biashara ukiwa popote.
Ukikwama, unatuandikia WhatsApp kwa Kiswahili na unajibiwa na mtu, siyo roboti. Usanidi ni bure, na kuhama kutoka mfumo mwingine ni bure.
| Ulichonacho | Unachofanya |
|---|---|
| MikroTik | Unanakili amri moja na kuibandika kwenye router. Tunapendekeza router yenye RAM ya 128MB au zaidi. |
| TP-Link Omada (EAP) | Hauhitaji MikroTik. Access Point inaunganishwa na mfumo wetu, na ukurasa wa malipo unawekwa wenyewe. |
| UniFi, Cambium, Cudy, Ruijie, OpenWrt | Vinaunganishwa kwa njia ya RADIUS. Tuambie modeli yako kwanza, tukuambie kama inafaa. |
Usinunue kifaa kipya kabla ya kuuliza. Mara nyingi ulichonacho kinatosha.
Mfumo wa billing hauwezi kurekebisha internet dhaifu wala kifaa kisichofaa. Kama kasi unayonunua kutoka kwa mtoa huduma ni ndogo, wateja watalalamika hata mfumo ukiwa mzuri. Na router yenye RAM ndogo itaelemewa biashara ikikua. Ndiyo maana tunakuuliza kwanza una nini, na tunakuambia ukweli kabla hujatumia pesa.
Jisajili, unganisha kifaa chako, panga vifurushi, na uuze. Ukikwama, tuko WhatsApp.
Jisajili Bure Uliza kwenye WhatsAppUpesiLipa ni mfumo wa WiFi billing wa Tanzania. Mteja anaunganisha WiFi yako, analipa kwa simu au anaingiza kodi ya vocha, na anaunganishwa mwenyewe kwa muda aliolipia.
Hapana. UpesiLipa inafanya kazi kwenye MikroTik, na pia kwenye Access Point peke yake kama TP-Link Omada bila MikroTik.
Zinakwenda kwenye akaunti yako ya malipo. Kwenye dashibodi unaona kila mauzo, na kila malipo yaliyoshindikana pamoja na sababu yake.
Kama vifurushi vya mitandao ya simu. Muda unaanza mteja anapounganishwa, na saa inaendelea hata akizima WiFi.
Kujisajili ni bure, na usanidi ni bure. Mipango ya malipo inaonekana ndani ya akaunti yako baada ya kujisajili.
Ndiyo. Tunakusaidia kuhama bila malipo. Tuandikie WhatsApp utuambie una vifaa gani.
Why UpesiLipa? A WiFi hotspot billing system built for Tanzania: works on MikroTik or on TP-Link Omada access points alone, takes mobile money and vouchers, and shows every sale and every failed payment with its reason. Free to start, free setup, free migration.